Hindi ko kaya ni : Rola

Hindi ko yata kayang mawala ka

Hindi ko yata kayang aminin na

Natatakot ako na lumayo ka

Titikisin na lamang ang pagsinta

Mas mabuting manatili ka sa buhay ko

Kaysa aminin  ko sayo ang totoo

Mas mabuting ako na lang ang masaktan

Kaysa mawala ka sakin bilang kaibigan

Mas nais kong manatili ka na kaibigan ko

Sa halip na tuluyan ka nang lumayo

Mahirap man sa damdamin

Ito ay akin na lang titiiisin

Hindi ko alam kung kakayanin ko

Kapag ikaw ay nawala sa buhay ko

Ikaw ang gamot na nagbibigay lunas

Ikaw ang nagbabalik sa akin ng lakas

Kapag ikaw sa buhay ko'y  nawala

Mawawalan na ako nang sigla

Ngunit kung hindi ko na kakayanin 

Ikaw ay akin na lang  palalayain

..

Kung may kalayaan lang ako ni ;Rola

Kung may kalayaan lang ako

Nandyan ako ngayon sa tabi mo,

Malayang ipararamdam sayo tunay na nararamdaman ko

Kung may kalayaan lang ako

Lagi akong nandyan para sayo

Ipararamdam at malayang sasabihing mahal kita

Kung may kalayaan lang ako

hindi titikisin ang aking damdamin

Malayang sasabihin , ikaw ang nagpapasaya sa akin

Kung may kalayaan lang ako

hindi ko na kailangan idaan sa tula

hindi na kailangan ako'y malungkot at mangulila.

Ikaw ay Mahalaga ni: Rola

Habang naiisip ko ang kalagayan mo

Nalulungkot at nahihirapan din ako

Nararamdaman ko ang paghihirap mo

Nanghihina ako dahil ikaw ang LAKAS ko

Dati -rati lagi kang masayang kausap

Ngayo'y sa tinig mo randam ang paghihirap

Kahit hindi mo sabihin ang iyong kalungkutan

Dama ko ang hirap na iyong nararamdaman

Nakakalungkot  dahil wala akong magawa

Ni sabihing nandito lang ako para sayo di ko magawa

Di ko maipadama na sakin ikaw ay mahalaga

Siguro kung batid mo, ito'y maaari mong ikasiya.

Nais ko sanang maibsan ang bigat na iyong dinadala

Tulad ng naidudulot mo sa aking saya

Sana maibalik ko rin ang kapanatagan

Na sa akin iyong  ipinaramdam

Ngunit puno ako ng alinlangan kung dapat ba

Ipaalam sayo na ikaw sakin ay mahalaga

Maraming beses na tinagka ko sayong sabihin

Ngunit nangangamba akong ika'y lumayo sakin..

Tama Na ni: Rola

Bakit ganito ang nadarama

Akala  ko kaya ko na

Sabi ko sa sarili ko- TAMA NA,

Ngunit patuloy pa rin akong nagdurusa

Hindi napanindigan ang aking pasya

Noong nakausap ka nanumbalik ang nadarama 

Akala ko ganoon kadaling mawala

Nagkamali ako nandoon pa rin pala

Nahihirapan na akong magkubli

Naninimbang, nalilito at nagkukunwari

Pilit na itinatago ang totoo

Ngunit di ko na kayang magbalat kayo

Paulit ulit kong  nilalabanan ang damdamin

Ngunit unti-unti na rin akong naninimdim

Hindi ko na kakayanin pang magtago
Kailangan ko nang aminin ang lahat sayo...

Pagsisimula't pagwawakas ni:Rola

       Sinikap kong ibahin ang pagsisimula ng aking taon. Sabi ko sa sarili ko, sa wakas nagawa kong magpaalam sa isang malungkot na bahagi ng buhay ko sa loob ng apat na taon. Pinilit kong bumalik sa dating ako. Ginawa kong abala ang aking sarili sa trabaho..nakipagkumustahan sa mga katrabaho, pinilit na ngumiti bagamat may kirot na tinatago. Pinilit kong ikubli ang tunay na nararamdaman, subalit di ko pala talaga kaya lalo na nang muli kitang makita.  Mistulang apoy nag,-alab muli ang aking nadarama. Nanumbalik ang sidhi ng damdamin. Sinubok ng pagkikitang yaon ang aking kahinaan. Natukso ako muling  makipag-ugnayan. Ngunit sabi ko sa sarili ko- TAMA NA, hindi nararapat na ako ay magdusa. Kailangang maibalik ang dati kong sigla, and dating saya sa buhay ko kahit hindi na kita makausap o makita...