Madalas na sinusubukan kong makipag-usap sa iyo
Ngunit madalas ang resulta'y pagkabigo
Hindi kita makausap,ni makita di na rin magawa
Hindi kita makausap,ni makita di na rin magawa
Kung alam mo lang kung gaano ako sa iyo nangungulila
Minsan nangangailangan ako ng kaibigan
Makikinig sa aking kalungkutan at kinatatakutan
Nais ko sana
Sa mga oras na ito ay aking nadarama
Noon, ikaw ang nagbibigay sa akin nang lakas
Mga salita mo ang siyang nagiging lunas
Ngunit ngayon kahit na text hindi ko na masilayan
Kahit kaunting oras ay hindi na mapagbigyan
Maraming pagkakataon na nagmumuka akong tanga
Naniniwalang parehas tayo ng nadarama
Madalas ako’y naghihintay na mapansin mo
Ngunit mas dama ko ang iyong paglayo
Hindi ko alam kung dapat ba akong magpasalamat
Na ginagawa mo nang madali para sa akin ang lahat
Hindi ko alam kung ano ang iyong layunin
O ano ba ang iyong tunay na damdamin
Sabihin mo lang kung tama na
Pigilin ang sariling mahalin ka
Ang nais ko lang ay manggaling sayo
Kung nais mo na akong lumayo…
Walang komento:
Mag-post ng isang Komento